Mulan: Rise of a Warrior

736 Views
Nov 26 2009
115
7.4

"ငါတို ဟွား မိသားစုက စစ်တိုက်တာကလွဲရင် တခြားဟာမလုပ်တတ်ဘူး...

နင်လည်းတိုက်ခိုက်ချင်ရင် နောက်ဘ၀ယောကျာ်းလေးဖြစ်အောင် ကြိုးစား ..တဲ့.."

ဒါကတော့ ဟွားမူလန်ရဲ့အဖေဖြစ်သူက သမီးကိုဆုံးမခဲ့တဲ့စကားပါ။

အရေးပေါ် စစ်သည်စုဆောင်းချိန်မှာနေမကောင်းတဲ့အဖေအတွက် ယောကျာ်းယောင်ဆောင်ပြီး စစ်ထဲ၀င်ခဲ့တဲ့ မူလန်ဟာ စစ်မြေပြင်မှာ ၁၂ နှစ်တာကြာတဲ့အထိ တိုက်ရည်ခိုက်ရည်ထူးချွန်တဲ့ စစ်သူကြီးဘ၀နဲ့ ရပ်တည်ခဲ့ပါတယ်...။

ညီအစ်ကိုတွေအတွက် ရှေ့တန်းကနေတိုက်ခိုက်တဲ့ အားကိုးရတဲ့ခေါင်းဆောင်....

တိုင်းပြည်အတွက် အမြဲတမ်းသစ္စာရှိနေမယ့် အားကိုးရတဲ့ စစ်သူကြီး...

၀မ်ထိုက်အတွက် တသက်မှာတစ်ခါသာကြုံရတဲ့ ရှားပါးတဲ့ချစ်ရသူမိန်းကလေး...

ဒါတွေအားလုံးဟာ ဟွားမူလန်ဆိုတဲ့ကျေးလက်က မိန်းကလေးရဲ့ ဂုဏ်ပုဒ် နဲ့ နာကျင်မှုတွေ ရောထွေးနေတဲ့ မှတ်တိုင်ပါပဲ...။

မူလန်ကို version အမျိုးမျိုးရိုက်ခဲ့ကြပေမဲ့ Zhao Wei ရဲ့ Mulan ကတော့ ရင်ထဲအထိရောက်အောက် ခံစားမှုတွေပေါ်လွင်စေတဲ့ သဘာ၀ကျတဲ့ ဇာတ်အိမ်ဖွဲစည်းမှုလို ယူဆမိပါတယ်။ နောက်ပြီး တွဲဖက်မင်းသားဖြစ်တဲ့ Chen Kun ဟာလည်း ကားပေါင်းများစွာမှာ Zhao Wei နဲ့အတော်လေး လိုက်ဖက်ညီခဲ့တဲ့ မင်းသားတစ်လက်ပါ။ အားလုံးပြန်လည်ခံစားနိုင်အောင် တင်ဆက်ပေးလိုက်ရပါတယ်။ ရှုစားကြပါဦး။