Poor Things

326 Views
Feb 27 2024
141 min
8.3

အမျိုးသမီးငယ်တစ်ယောက် ဘာကြောင်မှန်းမသိရဘဲတံတားပေါ်က ခုန်ချသတ်သေသွားပါတယ်။ အသက်ရှင်ဖို အလားအလာရှိတဲ့ သူမရဲ့အေးစက်စပြုနေတဲ့အလောင်းနဲ့အတူ ဗိုက်ထဲမှာလူလောကကို မရောက်လိုက်ရတဲ့ ကိုယ်၀န်အရင့်အမာလည်း ပါလာပါတယ်။

အမည်မသိ နောက်ကြောင်းမသိရတဲ့သူမအလောင်းကို ဆယ်ယူခဲ့သူက Extraordinary Surgeon လို အသိအမှတ်ပြုကြတဲ့ ဂေါ့၀င်းဘက်စ်တာ ပါ။ ဂေါ့ဟာ သူ့ရဲ့ စတင်တော့မယ့်စမ်းသပ်မှုနဲ့ အချိန်ကိုက်ရောက်လာတဲ့အလောင်းထဲက သေဆုံးပြီးသားဖြစ်တဲ့ ကလေးငယ်ရဲ့ဦးနှောက်ကို အမျိုးသမီးရဲ့ဦးနှောက်နဲ့လဲလှယ်ကာ လျှပ်စီးဓာတ်နဲ့ အသက်သွင်းစေပါတယ်။ ဒီလိုနဲ့ အရွယ်ရောက်ပြီး ခန္ဓာကိုယ်နဲ့ မွေးကင်းစအသိဉာဏ်ပဲရှိတဲ့ ဘယ်လာ ကို စတင်မွေးဖွားလိုက်ပါတော့တယ်။

ကလေးငယ်အသိနဲ့ ဘယ်လာကို ချစ်ကျွမ်း၀င်သွားတဲ့ လက်ထောက် မက်စ်က ဘယ်လာနဲ့လက်ထပ်ဖို စီစဥ်နေချိန်မှာပဲ လူပွေလူညစ်ရှေ့နေ ဒန်ကင်က ကမ္ဘာကြီးကိုစူးစမ်းရအောင်ဆိုတဲ့မက်လုံးနဲ့ အိမ်ထဲကအိမ်ပြင်ထွက်ခွင့်မရှိတဲ့ဘယ်လာကို ကမ္ဘာပတ်ဖိုခေါ်ပါတော့တယ်။

ဒီလိုနဲ့ ဒန်ကင်ရဲ့ကမ်းလှမ်းချက်ကို စိတ်၀င်တစားလက်ခံခဲ့တဲ့ ဘယ်လာ...

အရွယ်ရောက်ပြီးလူတစ်ယောက်ရဲ့ အသိဉာဏ်မျိုး ရှိမနေသေးတဲ့ဘယ်လာ..

သူကြုံရမယ့် ကမ္ဘာကြီးက ဘယ်လိုဖြစ်နေမလဲ....? သူမစွန့်ခွာခဲ့တဲ့ အတိတ်ကရော ဘယ်လိုအရာမျိုးဖြစ်မလဲ....? ဘယ်လာအတွက်လွတ်မြောက်ခြင်းဆိုတာဘယ်လိုအဓိပ္ပါယ်ကိုဆောင်သလဲ...?

ဒီထဲမှာ La La Land နဲ့ အော်စကာကိုထိုက်တန်စွာရခဲ့တဲ့ Amma Stone ရဲ့ ဘယ်လာအဖြစ် လက်ဖျားခါလောက်စရာ သရုပ်ဆောင်ချက်တွေကိုရှုစားရမှာပါ။ ပြီးခဲ့တဲ့ အော်စကာမှာလည်း Best Actress အဖြစ် Nomination ၀င်ခဲ့တဲ့ ကားကောင်းတစ်ကားလည်းဖြစ်ပါတယ်။ Adult Scene ခန်းတွေ အများအပြားပါ၀င်တာမို မိသားစုနဲ့ကြည့်ရှုရန်မသင့်ပါလို အကြံပြုပါတယ်။ ရှုစားကြပါဦး။