Society of the Snow

180 Views
Jan 04 2024
144 min
7.8

" အသွားမတော် တစ်လှမ်း၊ အစားမတော် တစ်လုတ်" ဆိုတဲ့ မြန်မာစကားပုံလေးကို ရှပ်ရှင်ချစ်သူ ပရိသတ်တို ကြားဖူးကြမယ်လို ထင်ပါတယ်။ ဒီဇာတ်ကားလေးထဲက လူတစ်စုရဲ့ဘဝ‌တွေဟာလည်း ဒီလို ကြမ္မာမျိုးနဲ့ မထင်မှတ်ပါဘဲ ငြိခဲ့ ငင်ခဲ့ကြပါတယ်။

သုံးခုစည်းမျဉ်းဆိုတာ ကြားဖူးပါသလား။

လေမရှိဘဲ ၃ မိနစ်
ရေမရှိဘဲ ၃ ရက်
အစာမရှိဘဲ ၃ပတ်

ဒီစည်းမျဉ်း ၃ခုလုံးကို အနည်းနဲ့အများဆိုသလို တစ်ဆင့်ပြီးတစ်ဆင့် ထိတ်လန့်တကြား ကြုံဆုံကာ ကံဆိုးမိုးမှောင်ကျခဲ့လေတဲ့လူတစ်စု ။

ထိုလူတစ်စု ပါဝင်တဲ့ ဒီဇာတ်ကားဟာ ၁၉၇၂ ခုနှစ်အတွင်း ဥရုဂွေးလေတပ်မှ လေယာဉ်တစ်စင်း အန်းဒိစ်တောင်တန်းတွေပေါ်မှာ ပျက်ကျခဲ့တဲ့ ဖြစ်ရပ်မှန်ကို အခြေပြုရိုက်ကူးထားတဲ့ Adventure/Thriller အမျိုးအစား စပိန်ဇာတ်ကားတစ်ကား ။

၁၉၇၂ အတွင်း လေယာဉ်ပျက်ကျမှုထဲ ပါဝင်ခဲ့တဲ့ ဥရုဂွေးရပ်ဘီအဖွဲတစ်ဖွဲရဲ့အကြောင်းကို အဓိကထား နောက်ခံပြုကာ ၂၀၂၃ ခုနှစ်မှာ Netflix မှ ပြန်လည်အသက်သွင်းထားတဲ့ အမိုက်စား Survival Film မျိုးပဲ ဖြစ်ပါတယ်။

ဒီရုပ်ရှင်ထဲမှာ ဥရုဂွေးနဲ့ အာဂျင်တီးနားမှ သရုပ်ဆောင်များ ပါဝင်ထားပြီး အများစုကတော့ မျက်နှာသစ် လူသစ်တွေပဲ ဖြစ်ပါတယ်။ 38th Goya Awards မှာ အကောင်းဆုံးရုပ်ပုံ၊ အကောင်းဆုံးဒါရိုက်တာဆု အပါအဝင် ဆု ၁၂ ဆု ရရှိခဲ့ပြီးတော့

96th Academy Awards အော်စကာဆုပေးပွဲမှာလည်း Best International Feature Film, representing Spain အပြင် Best Makeup and Hairstyling စတဲ့ leading role တွေမှာ ဆန်ကာတင်စာရင်း ဝင်ခဲ့ပါသေးတယ်။

ရုပ်ရှင် Run Time 2h 24m ရဲ့ အသက်ဟာ/အနှစ်ဟာ ရုပ်ရှင်ရဲ့အစပထမပိုင်း 10m ကျော်ကျော်လေးမှာ ရှိနေခဲ့တာပါ။

ထို ၁၀ မိနစ်စာအချိန် ကျော်လွန်ပြီးတဲ့နောက်ပိုင်း ကျောက်ဆောင် ကျောက်သားလို မာကြော ခက်ထန် အေးခဲနေတဲ့ သေခြင်းတရားထဲကနေ ခပ်ယဲ့ယဲ့ ခပ်ပျော့ပျော့ ရှင်သန်ခြင်းတွေကို ဘယ်လိုနည်း ဘယ်လိုလမ်းတွေနဲ့ အားကုန်ရုန်းကန်ကာ ဆွဲထုတ် ဆွဲဆန့်သွားမလဲဆိုတာကိုတော့

နှင်းထုလွှမ်းသော လူ့အဖွဲအစည်းဆိုတဲ့ ဒီဇာတ်ကားလေးထဲမှာ ဆက်လက်ကြည့်ရှု ခံစားလိုက်ကြပါဦးခင်ဗျာ။